He Pūwhakamahere mō Wāhanga 3 2023
Ka taea tēnei Pūmahere mō Wāhanga 3 2023 te tiki ake e ngā kura kia kitea ngā ngohe mō te Hōtaka Panonitanga Aromatawai kua oti te whakarite mō tēnei wāhanga tau.
He Pūwhakamahere mō Wāhanga 3 2023
Ngā Rārangi Wā Pāhekoheko
He mea taketake kia urutau haere tonu tō tātou pūnaha mātauranga, otirā kia arotahi tonu ki te horanga putanga ōrite, kairangi hoki mō ngā tamariki me ngā taiohi o Aotearoa.
He mea whakawhanake te hōtaka mahi rima tau mō te whakahoutanga o The New Zealand Curriculum me te hoahoatanga anō o Te Marautanga o Aotearoa e Te Poutāhū | Curriculum Centre, ā, e haere ana ngā mahi i tēnei wā, me te whai kia whiwhi akoranga hōhonu, urupare hoki ngā ākonga katoa.
Mā ēnei panonitanga hoki e whakatairanga ō tātou pūtake me ō tātou herenga ki Te Tiriti o Waitangi.
I tēnei wā hoki, kua whakaurua he panonitanga, kua marohitia rānei, mō te akoranga kōhungahunga me te NCEA. E whai ana ngā panonitanga nei i te tuituinga me te toronga whakaaro ki te rāngai mātauranga, ki ngā hapori me ngā ākonga.
Kua oti ētahi rārangi wā pāhekoheko te whakawhanake hei whakaahua i ngā tohu wā taketake mō ngā hōtaka mahi marautanga, aromatawai hoki.
Te pāhekoheko ki te rāngai - E pāhekoheko ana mātou ki ngā rōpū rāngai puta noa i ō mātou hōtaka mahi marautanga, aromatawai hoki.