Tauākī tūmataitinga
Ka pā tēnei pānui tūmataitinga ki ētahi mōhiotanga whaiaro, ki ētahi atu kōrero rānei i kohia i tēnei pae tukutuku. He mea whakahaere tō mātou kaupapa here tūmataitinga e te New Zealand Privacy Act 2020.
Ki te homai koe i runga i tāu ake whakaaetanga, i ētahi mōhiotanga whaiaro (hei tauira, mā te urupare īmēra, mā ngā puka tuihono rānei) ka āta puritia e mātou aua kōrero kia haumaru. Heoi anō te take e whakamahia ai ngā kōrero whaiaro kua tukua mai, ko te take tonu i tukua mai ai, i whakaaetia ai rānei i raro i Te Ture Tūmataitinga 2020, ā, e kore e whākina atu ki tētahi tangata motuhake, hāunga anō ngā wāhi e tino hiahiatia hei tuku ratonga, me ngā āhuatanga e whakamanaia ana, e whakahautia ana rānei e te ture.
Ki te hiahia koe ki te hihira i ngā mōhiotanga whaiaro e puritia nei e mātou, ki te tono i te whakatikanga o aua kōrero ina hiahiatia, e rua ngā ara e wātea ana, tuatahi, tuhi mai ki:
Te Āpiha Tūmataitinga, Te Tāhuhu o te Mātauranga, Pouaka Poutāpeta 1666, Te Whanganui a-Tara 6140
īmēra mai rānei health.safety.security.privacy@education.govt.nz
Ētahi atu kōrero
He rauemi mō ngā kura me ngā ratonga mātauranga kōhungahunga — Te Tāhuhu o Te Mātauranga
Ngā Pihikete
Ko tēnei mea te pihikete pūtirotiro he kōnae iti ka tukuna e tētahi pae tukutuku kia rokirokitia ki te puku mārō o tō rorohiko. Ko ngā pihikete e whakamahia ana e tēnei paetukutuku ka hora mōhiohio ki Te Tāhuhu mō te whakamahinga i te pae, hei whakapiki hoki taua whakamahinga i te pai o tā mātou pae tukutuku.
Kāore ngā pihikete e kohia ana i tēnei pae e whakamahia hei kohi i ētahi atu mōhiotanga ka taea te tangata te tautohu. Ko ngā mōhiotanga ka kohia e mātou ko te rā me te tāima i haere mai ai koe ki te pae, tō wāhitau IP, ngā whārangi i urutomo ai koe i tō mātou pae, ngā kupu rapu i whakamahia e koe, ngā taipitopito mō tō pūnaha whakahaere (hei tauira, Windows 7, Mac OSX) me tō pūtirotiro tukutuku (hei tauira, Firefox, Internet Explorer rānei).
Ka kohia, ka pūpūtia hoki ngā raraunga e Google Analytics mā Te Tāhuhu, tētahi ratonga ine, rangahau hoki. Ka taea e koe te rapu i ētahi atu kōrero mō te kaupapa here tūmataitinga o Google Analytics i tō rātou Pūtahi Tūmataitinga.
Ka taea e koe te mono ā-ringa i ngā pihikete, ahakoa te wā – hihiratia te wāhanga "Āwhina" o tō pūtirotiro kia kitea ai me pēhea. Kāore tēnei e pā ki tō āhei ki te mātakitaki ki tēnei pae.
Ngā īmēra kāore i tonoa
Ehara i te mea me whakaaro te tangata, nā te whakaputanga o ngā wāhitau īmēra i tēnei pae kua whakaaetia ngā īmēra kāore i tonoa. Ko ngā tāngata me ngā whakahaere e hiahia ana ki te tuku īmēra ki ngā tāngata takitahi me ngā whakahaere, e kitea mai nei ō rātou wāhitau īmēra i tēnei paetukutuku, me mātua piri ki ngā ritenga o te Unsolicited Electronic Messages Act 2007.